Þessa viku verður hópavinna. Ég mun skipta ykkur í nokkra hópa sem hver um sig hefur það hlutverk að semja myndskreytta vísindabók um Gervigíga – og sérstaklega um Rauðhóla, sem eru gervigígar.
Kennslubókina á að smíða (þegar efni er tilbúið) í iBooks Author.
Ég verð aðeins ráðgjafi í verkefninu. Hóparnir geta borið efnið undir mig, spurt mig spurninga eða beðið mig að lesa yfir tilbúinn texta.
Um verkefnið gilda nokkrar reglur:
Allir meðlimir verða að vera virkir. Gott er að setja þá sem eru ritfærir í að skrifa, aðra í að lesa og enn aðra í að taka myndir.
Það er bannað að „stela“ efni og myndum. Það má ekki nota Google og taka einfaldlega efni þaðan. Vísa þarf í heimildir og nota aðeins myndir/vídeó sem þið takið sjálf eða sækið með leyfi af netinu eða fáið hjá ljósmyndara með hans leyfi.
Bókin á að útskýra hvað gervigígar eru í máli og myndum og síðan segja frá Rauðhólum, sem eru líklega næst þekktustu gervigígar á Íslandi. Enn þekktari eru gervigígarnir við Skútustaði við Mývatn (kannski lumar einhver á flottum myndum af þeim sem þið fáið leyfi til að nota í bókina).
Smelltu hér til að fá nánari leiðbeiningar um:
Hvar á ég að finna efni um gervigíga?
Hvar finn ég löglegar myndir?
Hvernig geri ég bók í iBooks Author?
No comments:
Post a Comment